抽离唔到角色 Flow寸谢东闵“绿帽侠” 王喜揶揄朱智贤演技冇进步

朱智贤昨日在谢东闵陪同下开道歉记招,事后二人却遭外界批评。

朱智贤(Ashley)惊爆背男友谢东闵偷食人夫黎振烨(Jackson),有传Jackson更为“小三”抛弃大肚妻!事件曝光两日后,残暴的Ashley昨日便于谢东闵的陪同下,现身将军澳电视城开道歉记者会,随后再接受《东张西望》独家访问,Ashley声泪俱下自认演戏经验少,故自觉“抽离唔到个色”而犯错,并向《食脑丧B》监制及一众演员致歉,希望大家能给予她机会;而日前才被Ashley降呢好友的谢东闵则将责任揽上身,自认经常挂住工作而忽略了女友,并承诺陪伴对方走过这段艰难的日子。无奈一众网民似乎唔多Buy其“暖男”举动,不少人留言指:“点解系谢东闵出嚟,而唔系黎振烨”、“唔明揾个绯闻男友出嚟解释啲咩”、“企出嚟认戴绿帽”、“谢东闵其实都唔系太红,忙乜鬼”、“佢似畀TVB迫出嚟扮好男人”等。

朱智贤日前被爆偷食人夫黎振烨,更强调谢东闵是好朋友,不过昨日二人却以情侣姿态出席记者会及接受《东张西望》访问。
朱智贤日前被爆偷食人夫黎振烨,更强调谢东闵是好朋友,不过昨日二人却以情侣姿态出席记者会及接受《东张西望》访问。

对此,不时于社交平台发表意见的王喜,今日凌晨都忍不住于Facebook留言寸Ashley:“抽离唔到角色?哈~~~畀你捞到个角色钟意食屎咁阿伯母咪悭好多米饭?公司咁多过来人前辈做过咁多示范,你都毫无进步,以后点偷食,噢,sorry,点揾食?”至于跟黎振烨同届港男出身的梁裕恒(Flow Leung)亦于Facebook连环出Po轰3位当事人,他先揶揄Ashley:“抽离唔到角色,好彩佢唔系演杀人犯。”后恨批制造“绿帽侠”此角色去拆局太不智,认为完全违反常理和人性,是过份虚伪的诡辩,并寸“绿帽侠”之称号,谢东闵实在当之无愧,Flow爆粗说:“畀着我一定会XX个X街冚X铲老婆大住个肚仲去搞我条女,唔会称呼对方为黎生,冚X铲就冚X铲,唔会出嚟话因为自己太忙小咗时间陪女朋友,所以佢出轨!讲到合情合理咁!虽然好多网民寸佢有几忙?但就算真系忙,两个人一齐咪倾囉,讲出口想多啲见面,而唔系去偷食解决,除非男方都系忙住偷食就冇嘢好讲!”

王喜于Facebook留言寸朱智贤:“抽离唔到角色?”
王喜于Facebook留言寸朱智贤:“抽离唔到角色?”
王喜
王喜

对于Jackson出轨一事,有网民认为应该褫夺其港男冠军资格,Flow则表示:“真心想佢改番名叫‘TVB先生冠军’,唔好侮辱咗香港人。”有报道指事发后,Jackson已第一时间向下月生B的太太下跪认错,最终黎太都原谅了老公,而TVB方面原先亦安排二人现身记招,惟黎太昨晨突感肚痛不适而甩底,Flow就闹爆:“呢刻仲要为咗自己嘅名利叫个老婆出嚟做大龙凤黎太真系好惨,仲唔够丑,人哋唔系捞呢行㗎,要做戏自己做啦!条友仔留得喺呢个圈一定有下次,只有零次同无限次!公众人物有社会责任,冇得赚观众钱时就关我哋事,佢哋做错时就家事唔关观众事。”又认为若非因偷食断正,Jackson早已抛妻弃子离婚,最惨是肚里的BB,他说:“男人或女人都会情感或欲念失控,好正常!但不要破坏一个有小孩的家庭,更加唔好要一个未出世嘅BB去承受你班大人淫乱嘅罪!做人应该要有这条底线!”

Flow揶揄朱智贤:“抽离唔到角色,好彩佢唔系演杀人犯。”
Flow揶揄朱智贤:“抽离唔到角色,好彩佢唔系演杀人犯。”
Flow认为做人应该要有这条底线!
Flow认为做人应该要有这条底线!
Flow指谢东闵获封“绿帽侠”实在当之无愧。
Flow指谢东闵获封“绿帽侠”实在当之无愧。
Flow Leung
Flow Leung
黎振烨
黎振烨