霆鋒煮嘢唱歌一腳踢 祖兒自嘲似癲婆

謝霆鋒昨晚邀來容祖兒和羅力威助陣,令全場氣氛升溫。(大會提供)

由謝霆鋒主理,一連兩日於澳門舉行的「美獅鋒味搖滾美食節」,昨晚(2日)邀來容祖兒及羅力威助陣。為配合搖滾主題,羅力威以皮褸造型上陣,並以《雙子情歌》打頭陣,之後再唱出3首自己作曲的作品。

當祖兒出場前,霆鋒突然衝上台,原來他要親自介紹祖兒出場,令原本氣氛高漲的現場,頓時再度升溫,《隆重登場》前奏一響起,全場立即進入瘋狂狀態,觀眾尖叫不絕,祖兒跟6位舞蹈員勁歌熱舞,炒熱氣氛。唱完《隆》後,台下觀眾大叫:「你好靚呀!」祖兒大笑:「我好靚呀?吹到成個癲婆咁都話靚呀?不過我幾鍾意呢個戶外嘅氣氛。」

隨後,一身白色廚師服的霆鋒,以《玉蝴蝶》、《潛龍勿用》等medley歌曲登場,旋即將氣氛推至高峰,唱完後霆鋒以多國語言向觀眾打招呼,並說:「好多謝有一個咁有型嘅環境畀我哋做一樣咁黐線嘅嘢!今(昨)日特別準備咗一首17年冇唱過嘅歌。」然後便唱出《281公里》。之後霆鋒表示:「要多謝呢兩日來自世界各地嘅朋友、台前幕後嘅工作人員,好希望將呢個concert帶到世界各地,送上最後一首歌《活着VIVA》!」雖說是最後一首歌 ,但唱完後台下觀眾不肯離場,不斷嗌encore,霆鋒最後亦順應要求,唱出《謝謝你的愛1999》。

留言

電郵(不會公開)