黃心穎繼續留守美國 越洋收樓有專人幫忙

黃心穎與自今年4月偷食人夫許志安之後,隨即全面停工逃離香港,有指目前身在美國嘅佢索性改名做Rachel,並轉行做地產經紀,扛算重改新生活。

黃心穎兩年前以850萬買入啟德天寰,以佢當時嘅工作量,絕對負擔得起。但如今佢全面停工,供唔供得起都係一個謎。(資料圖片)

黃心穎兩年前以850萬買入啟德天寰,以佢當時嘅工作量,絕對負擔得起。但如今佢全面停工,供唔供得起都係一個謎。(資料圖片)

早前無綫決定播出黃心穎主演劇集《牛下女高音》,疑似試水溫讓佢「復出」,雖然面對大好機會,但黃心穎都只係透過《牛》監製答謝及鼓勵同劇前輩及演員,無意返港嘅佢,有傳連兩年前買入嘅樓盤,近日雖然已經可以收樓,但黃心穎只係委託國際公證行代為完成交易。

 黃心穎主演嘅《牛下女高音》本已擺入廠底,但無綫突然決定轉做台慶劇。(資料圖片)

黃心穎主演嘅《牛下女高音》本已擺入廠底,但無綫突然決定轉做台慶劇。(資料圖片)

黃心穎喺2017年以850萬元買入啟德新盤天寰一個500呎兩房單位,當時佢去排隊揀樓時,透露係首次置業,又表示儲咗好耐錢先成功上車,雖然唔係full pay但絕對有能力供得起。據知,天寰已於本月已成收樓,但黃心穎未有親身返港辦理手續,反而委託國際公證行代為完成交易,而有關文件顯示佢現身處美國洛杉磯。其實除咗啟德天寰之外,黃心穎目前仍持有油塘Ocean One以及一個溫哥華600呎單位,都總算有錢傍身,不過,如果要供樓的話,就可能要喺美國勤力少少啦。

天寰業主收樓圖

(羅君豪攝)
業主Ken買入的啟德天寰單位近日收樓,豈料單位有多處地方須修補,致裝修工程一拖再拖。
(羅君豪攝)
業主Ken於前年6月,以約940萬元購入天寰高層H室一個2房單位,實用面積474平方呎。
(羅君豪攝)
業主甫收樓發現數處空心批盪,執修過後牆上遺漏油漆問題未處理,出現兩截色。
(業主提供)
單位廁所玻璃鏡櫃爆裂,工人只是將新的玻璃貼,貼上原有破裂的玻璃上,就當完成工程。
(羅君豪攝)
原是牆身不平坦的結構問題,經裝修工人處理後,地腳線卻消失無蹤。
黃心穎有份演出並已拍好嘅《法證先鋒IV》、《堅離地愛堅離地》、《丫鬟大聯盟》仲係播出無期。(資料圖片)
有傳心穎放棄英文名Jacqueline,改名做Rachel。(ig@jacquelinebwong圖片)

黃心穎買入嘅啟德天寰,近日有同屋苑業主收樓時,發現「貨不對辦」,單位有多達66處紕漏須修補,包括批盪、石材、油漆及門窗等。其中單位有不少結構問題,例如地台嚴重倒斜及牆身不平。飾面方面,單位部分牆壁有批盪空鼓、窗戶漏做密封膠邊、油漆造工粗糙。另外,門窗亦有關不貼及漏風問題,導致窗邊有輕微滲漏情況。黃心穎兩年前買入時曾表示用作自住,如今自住唔到,如果佢打算奕盤的話,真係要搵驗樓師check清楚。