岑丽香(香香)自生完小朋友后一直在家中休养及照顾儿子,今天(29日)她终于复工,受访时更指感觉很开心:“第一日复工,今朝出门口都唔舍得佢(儿子),但返到公司坐系到化妆整头,感觉好开心,因为好似做返自己钟意做嘅事。开头都担心自己唔想工作,但原来返完工觉得系想继续返,所以就好期待返嚟做唔同嘅工作。”
香香庆幸儿子现时由妈妈帮手照顾,只是妈妈仅逗留香港几个月返回加拿大,又透露正与老公计划请工人照顾儿子:“而家谂紧呢件事,但最好系工作中揾到平衡,因为我都想睇住BB佢嘅成长经历。不过老公都好好,大家好珍惜同BB相处时间,同时亦都珍惜大家之间嘅工作,所以考虑中。”
而生完小孩后,作为女生当然最关注是否能极速瘦身,香香笑言离自己全盛时期身形还差一点:“我其实呢方面冇乜压力,我依家有去做瑜伽,又有行下楼梯同散下步,咁同之前身形仲差几磅,但OK嘅。”