吳彥祖髮線升至新高點 感嘆歲月不饒人

早前吳彥祖返港,孖住20年前《特警新人類》嘅拍檔謝霆鋒、馮德倫和李璨琛,擔任第38屆香港電影金像獎頒獎禮「最佳視覺效果」頒獎嘉賓,勾起唔少觀眾嘅回憶,大家都盛讚頒獎台上嘅Daniel依舊靚仔,但舞台下嘅佢其實相當隨性,最近有網友喺美國偶遇並上載合照,令人驚覺男神都有崩壞嘅一日,不勝唏噓。

上兩星期吳彥祖專誠返港,現身金像獎舞台擔任頒獎嘉賓。(吳彥祖IG)

上兩星期吳彥祖專誠返港,現身金像獎舞台擔任頒獎嘉賓。(吳彥祖IG)

有網友24號於網上表示,自己喺美國一間餐廳食飯,見到Daniel喺門口張望但因為滿座而準備離開,網友同朋友衝上前要求合照,Daniel亦友善地答應。非工作時間Daniel以街坊look示人,身穿白色卡通tee,右手拎住紙盒,笑容依舊殺死人。

想當年嘅吳彥祖真係靚仔到令人窒息。(網上圖片)

想當年嘅吳彥祖真係靚仔到令人窒息。(網上圖片)

一樣係長髮LOOK,但去年呢張劇照明顯見到Daniel髮量變得稀疏。(劇照)

一樣係長髮LOOK,但去年呢張劇照明顯見到Daniel髮量變得稀疏。(劇照)

不過睇到張相,大家都不禁被Daniel五官再對上嘅髮線吸引視線,44歲嘅Daniel早已有脫髮問題,呢日嘅合照更驚覺髮際線再上升,幾近到頭頂位置,而且仲有唔少白頭髮,令網友慨嘆再靚仔嘅男神都有carry唔到嘅髮型。

網友於4月24日上載呢張同吳彥祖嘅合照,令人驚覺Daniel嘅髮線又再升上新高。(網上圖片)

網友於4月24日上載呢張同吳彥祖嘅合照,令人驚覺Daniel嘅髮線又再升上新高。(網上圖片)

非工作時間Daniel都無特別整頭,似乎已經接受男人最痛m字額呢個事實。(吳彥祖IG)

非工作時間Daniel都無特別整頭,似乎已經接受男人最痛m字額呢個事實。(吳彥祖IG)

側面睇到個M字真係好明顯……(吳彥祖IG)

側面睇到個M字真係好明顯……(吳彥祖IG)