猪年真系非常旺丁,陈凯琳同郑嘉颖囝囝Rafael抢闸成为娱乐圈首个猪B。计返日子跟住落嚟有机会系单文柔或者岑丽香,两位靓妈陀B后都少咗露面,单文柔早两日举行Baby Shower宣布小猪比系女仔。至于香香自从贺岁片宣传期后,都未有再公开露面,主要靠社交网站同大家报告近况。
已经怀孕八个月嘅香香,自2月25号后未有再更新近况,曾有网友猜测佢会唔会提早生产,呢日香香终于再更新IG啦﹗佢手执一本英文育婴书,留言话:“A lifetime of homework.”佢仲拍短片同大家问好,用艾文表示之前自己有少少唔舒服,不过依家已经好返,仲卖口乖话好挂住大家添﹗依家流感咁严重,妈妈真系要小心身体呀。
