
美国国会日前举行特别联席会议,打算确认美国总统大选嘅选举人团投票结果,大批特朗普支持者闯入国会大楼,企图推翻大选结果,有如香港修例风波期间黑衣暴徒冲击立法会的翻版。在修例风波期间,美国政棍不断美化香港的暴乱分子,形容之为“美丽的风景线”,更窝藏当时在香港带头冲击立法会嘅通缉犯,所以𠵱家佢哋发生咁嘅事,唔少人都感叹天道有轮回。今次美国同其他西方国家嘅反应,同对待香港嘅暴乱大相迳庭,公开“谴责”美国示威者嘅暴力,而香港“泛民”更集体失声,赤裸裸地暴露了这些西方国家的双重标准。
美警开枪 港警克制
数以百计嘅特朗普支持者冲击国会外围,突破大门与安保,闯入国会建筑中,并一度抵达参议院嘅楼层同埋众议院议长佩洛西嘅办公室。美国即时出动国民警卫军,喺国会内真枪实弹攻击“手无寸铁”的“示威者”,国会外动用催泪弹、闪光弹、胡椒弹等清场,导致严重嘅警民冲突,更造成至少4人死亡。
香港暴徒当日冲击立法会嘅情况比美国严重得多,但香港警方极之克制,当时并无使用任何真枪实弹,更冇造成任何伤亡。
全国政协副主席梁振英㖊日喺facebook发帖话,“真诚的问问‘泛民’,你们不断追求美国的制度,说什么政权顺利移交,说什么自我纠正,说什么有暴徒攻入立法会是因为香港没有民主。”请佢哋就住呢啲再谂一谂呢。
国内零容忍 国外昧良心
香港揽炒派嘅暴力行为就算几咁严重都好,啲西方国家都始终唔愿意谴责暴力,仲昧住良心,为咗自己嘅利益美化香港暴徒,针对香港执法机关。不过,今次美国事件发生后,英国首相约翰逊、加拿大外交部、法国外交部等多个国家领袖就第一时间出嚟谴责暴力,不过就冇制裁向“市民”开枪嘅美国警方。美国同埋佢哋嘅媒体当然都系对自己国内嘅暴力零容忍,而香港所谓追求“民主自由”嘅揽炒派亦都冇晒声。佢哋成个表现反差咁大,唔怪得啲人揶揄佢哋系“国际驰名双标”。
民建联立法会议员张国钧喺facebook贴相显示,美媒CNN将香港冲击立法会啲人称为“Protesters(示威者)”而就叫冲击美国国会嘅人为“Rioters(暴徒)”,话:“大家都系搞‘暴力抗争’,点解一年多啲之前就话支持,而()家又转晒口风 。”
民建联立法会议员陈克勤就注意到“小黄人”嘅表现,佢贴图显示,喺香港发生冲击立法会事件时,啲“小黄人”话“正呀!冲呀!”而当美国暴徒冲入 国会破坏,啲“小黄人”嘅反应变成无言。
工联会立法会议员郭伟强同样喺facebook话香港嘅破坏者入到议会嘅行为,比今次美国嘅示威更严重,包括涂污大量墙壁,敲碎大量玻璃外墙,拆开电脑拿走硬盘,破坏器材,爆开职员储物柜偷走财物等,佢感叹美国多个政客都闹爆破坏者,但佢哋对香港嘅情况“就大赞香港的黑暴破坏者和啦啦队”。
既然美国国务卿蓬佩奥公开谴责暴力,要求将啲示威者绳之以法,梁振英就一语中的问:“美国政府会把梁继平(涉嫌参与冲击立法会,现在美寻求“政治庇护”)遣返香港接受法庭审判吗?”个答案大家心照啦。
CNN:证国安法必要
好多嘢,惟有发生喺自己身上先有发言权。之前香港实施香港国安法,美国系咁揾借口谴责,生怕香港稳定发展影响佢哋利益。点知美国单嘢发生后,佢哋嘅CNN政治评论人就直言啲示威者侵占国会系“叛国”行为,仲要话:“证明了国安法有关保护国家安全的条文也是需要的。”所以下次讲人哋国家同地区嘅嘢要留啲口德啦。
特朗普被禁言 同失言论自由
对美国等西方国家欠缺认识嘅“黄丝”成日都幻想𠮶边系“自由天堂”,讲乜做乜完全唔使受到规限,仲要将自己幻想中嘅一套嘢搬返香港。而早前特朗普喺社交平台胡言乱语,就即刻被暂停使用账户,唔知啲“黄丝”对此作何感想呢?
特朗普早前喺Twitter发布一段视频,要求啲示威者“和平回家”,但就冇谴责暴力,仲要仍然声称自己系“选举舞弊的受害者”。Twitter、facebook同埋YouTube等社交平台随即以鼓励暴力为由将特朗普嘅视频撤下,Twitter、facebook同埋Instagram仲要先后暂停佢嘅账户,因为佢嘅唔准确、煽动性帖文。梁振英就喺facebook直言:“美国没有言论自由。”
举“港独”旗围美国会 网民:害人终害己

香港立法会前年遭黑暴严重破坏,美国政府就肆意美化有关人等的暴行,更收容畏罪潜逃嘅黑暴分子,但当美国有示威者闯入国会时,即被美方开枪击毙,双重标准可见一斑。有网民发现,美国国会示威现场竟有人举着香港黑暴分子嘅“时代革命”旗帜,唔少网民都笑美国政府引狼入室,今次害人终害己。
美国政府一直包庇香港黑暴分子,美国国会众议院议长佩洛西早前就以“美丽的风景线”美化香港黑暴恶行,美国众议院上月更通过所谓《香港人民自由和选择法案》,想以所谓“让无法证实的‘受迫害者’获得难民身份”,收容更多香港黑暴分子,惟议案未能在参议院通过。
美国国会日前发生示威,有闯入国会嘅当地示威者俾美方开枪击毙。丑闻缠身嘅“过气歪星”阮民安(Tommy)㖊日就喺facebook上载一张照片,话美国国会现场出现香港黑暴分子嘅“光时旗”,仲叫在场“手足”“加油,平安!”
有“手足”就觉得班示威者系想将香港黑暴破坏立法会,喺美国重演。“Apeiron Cheung”咁讲:“美国重演71立法会。”
陈克勤:昔纵暴 今报应
民建联立法会议员陈克勤㖊日就喺fb发帖:“美国政府一直纵容和美化香港黑暴,更加收容破坏立法会的逃犯梁继平。”佢认为今次事件系“天理循环,报应不爽。”佢仲将美国政客纵容香港黑暴嘅言论回带反赠美方:“今天美国国会被闯入和破坏,我用美国纵暴政客的语言回应:‘美国当局应该马上停止射杀示威者,克制使用过分武力。’”
全国政协委员、基本法研究中心主任胡汉清都有回应件事,佢对美国两党同时谴责示威者的暴力冲击,但就未发声谴责警察“过度使用武力”,处理手法同之前香港黑暴明显有别,批评系“美国的虚伪”,奉劝美国“唔好自己住喺玻璃房,仲要向人哋扔石头”。
唔少网民就觉得美国呢个始作俑者一直纵容、收容香港黑暴分子,今次引狼入室、自作自受。“陈文”就话:“可能收留暴徒多了。”“Man Keung Ho”都话:“原来真系有因果,美国支援香港黑暴,现在回归美国,好!”“Marvin Wong”亦话:“鼓吹所谓民主,但最后变成暴动,最后害人终害己!报应!”