一哥粉墨登場 推介警隊主題曲MV

警隊最新的主題曲《捍衛香港》MV昨晚首播,更邀得警務處處長鄧炳強拍攝宣傳短片!短片講述一名警員喺電梯偶遇一哥,一哥問對方聽緊咩歌,點解只係得10秒長,警員回應話足本版噚晚先喺電視台首播。片中見一哥表情豐富鬼馬,過足戲癮,最後更唱出「看警徽,心有光,懲治罪犯責肩上」等數句歌詞。鄧炳強對演戲有濃厚興趣,曾自爆在唸大學時做特約演員,參演高志森第一次執導的電影《開心鬼》,仲有幾句對白。

《捍衛香港》由歌手鍾鎮濤創作及主唱歌曲,歌詞向警察過去的努力致敬,亦是警隊第一首主題曲。