张颕康入行多年甚少是非,不过最近却“开斋”,有报道指张颕康在片场发火闹爆邓佩仪,昨晚他在社交网贴出和邓佩仪合照,以及一张在剧中“一家三口”合照,力证没有不和,张颕康写道:“呢几日不停有工作人员问我:‘你发火咩?’﹑‘系几时嘅事?我想睇呀’﹑‘乜原来你识发火㗎?’到今(昨)日服装姐姐都同我讲:‘我睇住你训练班出嚟咁多年,你都唔会发火嘅’,好啦,既然大家咁想睇我发火我就发俾你睇啦!
嗱!邓佩仪,如果你以后咁少时间瞓觉都早到现场,我发火爆你㗎!如果以后你NG少过我,我即刻发火爆你㗎!
其实,我哋合作咗都系得十日八日,大家都仲系磨合紧,何来会有不和呢!不如俾啲空间我哋啦,我哋都系想尽力做好个戏俾大家睇啫!请各位高抬贵手,放过我哋啦!死火嘞!讲到好似我哋有路咁样添!不过算啦,我老婆唔会误会就得喇!”