麥玲玲一身紅噹噹打扮出席TVB賀年節目。
香港著名堪輿學家麥玲玲師傅5日出席TVB新春賀年節目《富貴金豬賀肥年》,玲玲師傅提提大家新正頭大年初一,當然要搶旺一下:「今日點都要着多少少鮮色嘅衫,去打下麻雀,因為傳統紅色上係會旺,尤其是犯太歲嘅生肖,要用紅色褲頭帶助旺化煞,不過而家冇,所以就着紅色衫,你唔鍾意着出面着入面都得。」
在飲食禁忌方面玲玲師傅則笑言不太需要顧忌:「初一大部份朋友都會食素,因為話食素等於一年功德,係會著數少少,不過視乎你自己習慣,亦好多朋友初一會拜神祈福,象徵全年好運。」
原來在初一在出門等也比較講究,因為能帶給自己的運氣,玲玲師傅分享:「初一來說南面係財神,東南就係喜神同貴人,多往呢個方向走,全年都會好,因為初一係第一日,都比較緊要。」
豬年最相沖的生肖是蛇,麥玲玲亦教大家怎化解:「屬蛇係犯太歲,變化比較多,亦有驛馬星,最好陀一隻牛,一隻雞,兩個生物加埋一齊,用嚟化解相沖,因為今年真係比較容易受傷同整親,(擺喺銀包得唔得?)都得㗎!」