《这么远,那么近》方东升烂gag介绍重庆 30分钟绝无冷场超精彩

方东升因为曾在主持嘅节目中《世界零距离》、《长命百二岁》及《世界观》烂gag连连,例如系“一试无妨,再试投降”、“工欲善其事,唔好发脾气”等等,令节目更充满娱乐性,又令佢成为“金句王”。

《这么远,那么近》由3分钟变为30分钟嘅节目,方东升功不可没。(影片截图)

《这么远,那么近》由3分钟变为30分钟嘅节目,方东升功不可没。(影片截图)

由方东升、黄靖婷及李晓欣主持嘅《这么远,那么近》,以介绍世界各地交通情况及设施为主,昨晚播出第一集,三位主持人去重庆,方东升拎住张地图,同两位拍档研究,并问大家“你今日荡失咗路未呀?”并透露自己喺重庆几乎日日荡失路,“仲遇到唔少同路人,同样荡失路嘅人”

方东升口中嘅坚离地”天桥。

方东升口中嘅坚离地”天桥。

之所以会荡失咗,系因为重庆好多道路都依山而建,结果造成住15楼嘅随时不及旁边嘅5楼高,又或者“小路会穿插楼与楼之间,令你不知不觉入咗重庆森林,重庆石屎森林。”又甚至系1楼唔一定系马路,可能到10楼先系大街,因此而GPS都唔一定准确。方东升用脚带大家行走佢口中嘅“坚离地”天桥,期间经过喺天桥旁边嘅主妇抹窗,方东升即时上前做访问,非常懂得把握机会。

“重庆处处有楼梯,但唔系每条都可以行得好似‘天梯’咁浪漫”镜头随即播出小朋友喺楼梯上跌倒嘅画面,接连系方东升出现喺楼梯之上,并抛出金句:“呢条长命楼梯,真系长命百二岁都未必行得掂。”所介绍嘅楼梯共209级,相当于10层楼,同摄影师有一段距离嘅方东升又再抛出金句“这么远,那么,都系远。”
行到边.问到边。

行到边.问到边。

《这么远,那么近》其实早在5月时,喺无线新闻台播出,当时节目以每集3分钟嘅形式播出,如今变成30分钟嘅节目,并在翡翠台播出,相信应该会有更多金句。