操到六嚿腹肌 梁汉文为十月演唱会做好准备

梁汉文(Edmond)于个半月前宣布今年10月喺红馆开show,有可能系疫情后第一个红馆开骚嘅歌手。由于筹备时间唔多,连月来Edmond忙于秘密练兵,尽快keep好一副好body,到时有6块腹肌嚟见人。
Edmond连续7天食郑秀文(Sammi)推介嘅“缩水减肥杂菜汤”,嚟减去身体多余的水份,Edmond成功喺一周内由155磅减至149.4磅。之后他再用“食肉减肥法”,10日内只能食肉,连蔬菜同生果都唔可以掂,尽量吸取蛋白质,经过10日疗程结果,他有140.2磅,再按教练指示下操肌,最终好快见到成效,昨晚他喺社交网站发相分享成果,相中未见容貎,仅展示一排湿身“朱古力”,有6块腹肌嘅结实靓body,连他都留言说:“经过呢2个月嘅付出,开始见到啲成绩,虽然未确定一定开得成,但都会继续保持乐观、积极嘅态度去做足准备,迎接不同挑战…”唔少网民大赞他厉害、好劲、不得了、引死人、不过都有网民要求见样:“点解唔见样?”有人又好奇追问:“𠮶日至睇片见你食郑秀文介绍既瘦身汤,咁快就练出成绩来,确系劲。”亦网民质疑相中人系咪佢?有fans温馨提示要适可而止,唔好好似上次个唱咁体型过瘦。